مادة إعلانية

>> دليلك نيوز >> أخبار في الجولان

مرحبا.. اسمي رائد شمس - فيديو

    06/10/2018بتاريخ :   المصدر:دليلك

مرحبا .. اسمي رائد شمس عمري 26 سنة من مجدل شمس.
شب متل كثير شباب الي بتهمها مصلحة بلدها.



ما عملتش هالفيديو وهدفي اني وصله لل 150000 لايك ولا اطلب منكن انو تشتركه بالقناة تبعي عن طريق فقسة الجرس الي موجودة بأسفل الفيديو.

عملته وهدفي اني احكي عن مشاعر وأحاسيس تولدت عندي من بعد 7 سنين من المشاكل والخلافات وتوزيع اتهامات .. خاين و عميل .. مندس وشبيح موالي ومعارض .. جاهل وعاقل وكثيير.

الشاطر فينا الي بدو يطلع الثاني غلطان ويبعثه على مزبلة التاريخ لدرجة اني بيني وبين حالي فقدت الأمل وقلت راحت المحبة ومعش رح اذكرها الا بشي قصة رح احكيها لولد من ولادي بيوم من الايام ..

دورت عليها كثير متل الي عبدور على ابرة بكومة قش .. بس اكتشفت اني غلطان وتذكرت انو الابرة موجودة بكومة القش اما هي ضايعة متل المحبة موجودة فينا بس كمان ضايعة

إجا الوقت بانو نفيق على حالنا ونتوحد ونعرف انو تفرقنا هو لمصلحة غيرنا يلي بدو يغير كل روايتنا ويكتبها ويعنونها ويجري احداثها كيف بحب ويخلق صراعات بين شخصياتها حتى يستمتع هو بقراءتها وأخر عنوان كان الانتخابات.

عشان هيك قررت اني انشر هذا الفيديو لحتى يكون مساهمة صغيرة بدعوة لاجتماع يلي دعوا لالو نشطاء من ألوان و اطياف هذا المجتمع.

الاجتماع رح يكون السبت بتاريخ 6\10\2018 الساعة 7 المسا بمركز الشام بمجدل شمس.

                                                طباعة الصفحة
 
  أخبار في الجولان   الجولان في الأخبار   بأقلام جولانيه
  تقارير   مجتمع   مقـالات و آراء
  مقالات اعلانية   صحة وطب   اكتشافات وتكنولوجبا
  فن وادب   رأي دليلك   سياحة وسفر
  زهور واعدة   رياضة   دوري الجولان2010
  زاوية أم محمود   حكاية المثل الشعبي   ريبوتاج دليلك
  زاوية أحبائنا الصغار   من مساهمات الزوار   سياسة